Қазақстан өңірлерінде 25 қазанда мәслихаттардың депутаттарын сайлау өтеді
Қазақстан өңірлерінде 25 қазанда мәслихаттардың депутаттарын сайлау өтеді
Астана. 13 қазан. Kazakhstan Today - Қазақстан өңірлерінде 25 қазанда мәслихаттардың депутаттарын сайлау өтеді. Бұл туралы "Нұр Отан" ХДП ресми өкілі Оксана Петерс бүгін өткен брифингте мәлім етті, деп хабарлайды Kazakhstan Today.
"25 қазанда республиканың 13 өңірінде барлық деңгейдегі мәслихаттардың шығып кеткендердің орнына депутаттарды сайлау өтеді. Толықтыра сайлау 55 сайлау округінде өтеді", - деді О. Петерс.
Оның айтуынша, "Орталық сайлау комиссиясы Ақтөбе, Алматы және Солтүстік Қазақстан облыстарындағы толықтыра сайлауды 2010 жылғы наурызға ауыстырған".
"Қазіргі жағдаймен депутаттыққа ат ұсыну аяқталды, ағымдағы жағдаймен барлық деңгейдегі мәслихаттарға депутаттықтан үміткер ретінде 142 адам тіркелген. 142 кандидаттың 92-сі аудандық, 28 -і қалалық, 22-сі облыстық мәслихаттарға депутат болудан үміткер. Сайлау нәтижесі қазанның аяғына дейін бұқаралық ақпарат құралдарында жарияланады", - деді О. Петерс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.