АСТАНА. 16-мамыр. Kazakhstan Today. Қазақстан оппозициясының өкілі - Жалпыұлттық социал-демократиялық партиясыынң жетекшісі Жармахан Тұяқбай президенттің конституциялық реформаларға қатысты ұсыныстарын оң бағалайды, деп хабарлайды Kazakhstan Today тілшісі.
"Жалпы алғанда президент ұсынған Конституцияны өзгертуге жасалған алғашқы қадамдар сенім ұялатады: билік сол арқылы күрделі саяси реформаларды жүзеге асыруға шындап ниет етті",- деп мәлімдеді Ж.Тұяқбай "Қазақстан Республикасының конституциясына өзгерістер мен толықтырулар енгізу туралы" заң жобасы бойынша журналистерге берген түсініктемесінде.
"Бүгін жария етілген қадамдар - демократиялық реформалардың басы. Бұдан кейін елімізде нағыз, толыққанды демократиялық басқаруды, биліктің халық бақылауында болуы мен нақты адамның құқығы мен бостандықтарын тиісінше қамтамасыз етуге жол ашатын басқа да қадамдар жасалмақ",- деді партия жетекшісі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан оппозициясы президенттің конституциялық реформаларға қатысты ұсыныстарын оң бағалайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.