Қазақстан Палестинаны қолдауға бағытталған халықаралық гуманитарлық акцияларды қолдайды
Сыртқы істер министрі Ержан Қазыханов бүгін палестиналық әріптесі Рияд аль-Маликимен кездесті.
Астана. 11-қыркүйек. Kazakhstan Today - Қазақстан Палестинаны қолдауға бағытталған халықаралық гуманитарлық акцияларды қолдайды, деп хабарлайды Kazakhstan Today агенттігінің тілшісі.
Сыртқы істер министрі Ержан Қазыханов бүгін палестиналық әріптесі Рияд аль-Маликимен кездесті.
Астанада өтетінАзиядағы өзара іс-қимыл және сенім шаралары Кеңесініңсессиясы қарсаңында өткен кездесуде халықаралық саясат, экономика және қауіпсіздік мәселелері төңірегінде әңгіме қозғалды. Сонымен қатар аймақтық қауіпсіздікті қамтамасыз етуде Азиядағы өзара іс-қимыл және сенім шаралары Кеңесінің әлеуетін қолдану мен Ислам Ынтымақтастық Ұйымы шеңберінде тараптардың өзара ықпалдастығын арттыру салаларындағы қазақстан-палестиндік ынтымақтастықтың болашағы талқыланды.
Министр Е.Қазыханов Қазақстан 1967 жылғы шекара бойынша тәуелсіз Палестина мемлекетін құруды және халықаралық қауымдастықтың Палестинаны қолдауға бағытталған гуманитарлық акцияларын қолдайтынын атап өтті.
Палестина Сыртқы істер министрі Рияд аль-Малики Қазақстан Президенті Нұрсұлтан Назарбаевтың сыртқы саяси бастамаларына және екі ел арасындағы қазіргі қарым-қатынастар деңгейіне жоғары баға берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.