Қазақстан премьер-министрі елімізде мемлекеттік сапармен жүрген Израиль президентімен кездесті
Қазақстан премьер-министрі елімізде мемлекеттік сапармен жүрген Израиль президентімен кездесті
Астана. 30 маусым. "Қазақстан Бүгін" - Астанада бүгін Қазақстан Республикасының премьер-министрі Кәрім Мәсімов Қазақстанда мемлекеттік сапармен жүрген Израиль президенті Шимон Переспен кездесті, деп хабарлайды "Қазақстан Бүгін" агенттігі үкіметтің баспасөз қызметіне сілтеме жасап.
Келіссөз барысында Қазақстан мен Израиль арасындағы экономикалық, инновациялық және мәдени - гуманитарлық қарым- қатынасты әрі қарай тереңдету, сондай-ақ, сауда саласы бойынша ынтымақтастық жөніндегі қазақстан-израиль үкіметаралық комиссиясының жұмысын белсенді жүргізу мәселелері талқыланды.
Тараптар өнеркәсіп, ауыл шаруашылығы, денсаулық сақтау, сондай-ақ, ақпараттық технологиялар салаларында іскерлік байланыстарды кеңейтуге мүдделілік білдірді.
Кездесуден кейін Кәрім Мәсімов пен Шимон Перес қазақстан-израиль бизнес форумына қатысты.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.