Қазақстан премьер-министрі Шанхай ынтымақтастығы ұйымының энергетикалық стратегиясын қалыптастыруды ұсынады
Қазақстан премьер-министрі Шанхай ынтымақтастығы ұйымының энергетикалық стратегиясын қалыптастыруды ұсынады
Алматы. 14 қазан. Kazakhstan Today - Қазақстан премьер-министрі Кәрім Мәсімов Шанхай ынтымақтастығы ұйымының энергетикалық стратегиясын қалыптастыруды ұсынады. Ол Пекинде Шанхай ынтымақтастығы ұйымы елдерінің үкімет басшылары кеңесінің мәжілісінде осындай ұсыныс жасады, деп хабарлайды Kazakhstan Today "РосБизнесКонсалтинг" (РБК) агенттігіне сілтеме жасап.
Кәрім Мәсімовтың айтуынша, стратегияның негізі ретінде экспорттаушыларға да, ресурстарды тұтынушыларға да қолайлы негізді бағаға ұзақ мерзім бойы сенімді әрі экологиялық тиімді энергетикамен қамтамасыз ету принциптері қабылдануға тиіс.
Премьер-министрдің айтуынша, ғаламдық энергетикалық қамтамасыздыққа көмірсутегі рыноктарындағы тұрақсыздық нақты қатер төндіруде. "Мұндай жағдай тек экономикалық конъюнктурадағы құлдырауларға ғана емес, саясаттағы кейбір себептерге де байланысты. Осындай ахуалды реттеу үшін әсіресе энергетикалық стратегияны қалыптастыру аса маңызды", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.