АСТАНА. 5-наурыз. Kazakhstan Today. Елбасы Нұрсұлтан Назарбаев 10-11-наурызда ресми сапармен Катар Республикасына барады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Келіссөздер барысында мемлекет басшылары өзара тиімді ынтымақтастықты одан әрі дамытуға қатысты мәселелер кешені мен халықаралық және аймақтық өзекті мәселелерді талқылайды деп күтілуде.
Елшінің айтуынша, "Қазақстан-Катар қарым-қатынасының іргетасы мемлекет басшысының 1998-жылғы мамырда Катарға жасаған ресми сапарының барысында қаланған". "Катар әмірі шейх Хамад бен Халиф аль-Тани жауап сапармен елімізге 1999-жылдың сәуір айында келді, бұл сапар екі ел арасындағы қарым-қатынасты дамытуға тың серпін берді",- деді ол.
СІМ өкілінің пікірінше, "қазір екі мемлекет арасында сенімді саяси диалог орнаған, экономика және мәдени-гуманитарлық саладағы байланыстар ілгерілеп келеді".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан президенті 10-11-наурызда ресми сапармен Катар Республикасына барады - СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.