АСТАНА. 20-қыркүйек. Kazakhstan Today. Қазақстан президенті Нұрсұлтан Назарбаев 2007-жылдың басында ресми сапармен Оманға барады. Бұл туралы Kazakhstan Today тілшісіне ҚР СІМ-нің баспасөз қызметі хабарлады.
"Кабус сұлтанның Қазақстан мемлекет басшысын келесі жылдың басында ресми сапармен қабылдау туралы шақыруын Оман сыртқы істер министрі Юсеф бин аль-Алави бин Абдулла еліміздің бас дипломаты Қасымжомарт Тоқаевпен Нью-Йоркте өткен екі жақты келіссөздер кезінде растады",- деп хабарлайды СІМ.
Келіссөздер барысында Юсеф бин аль-Алави бин Абдулла сондай-ақ Оман елінде таяу уақыттарда Қазақстаның елшілігін ашу көзделіп отырғанын жеткізді. Дипломаттар бұған қоса қару таратпау, соның ішінде Иранның ядролық бағдарламасына қатысты мәселені де талқылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан президенті 2007-жылдың басында ресми сапармен Оманға барады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.