Қазақстан президенті 2 қазанда Изербайджан Республикасына ресми сапармен барады
Қазақстан президенті 2 қазанда Изербайджан Республикасына ресми сапармен барады
Астана. 28 қыркүйек. Kazakhstan Today - Изербайджан Республикасының президенті Ильхам Илиевтің шақыруымен 2 қазанда Қазақстан Республикасының президенті Нұрсұлтан Назарбаев аталмыш елге ресми сапармен барады деп жоспарлануда. Бұл туралы Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Екі ел басшылары екіжақты және көпжақты форматтағы Қазақстан мен Изербайжан арасындағы өзара ынтымақтастық перспективалары мәселелерін талқылауды жоспарлауда.
Сапар барысында энергетика, транзит пен көлік жүйелері, ауылшаруашылық, білім мен туризм, мұнай-газ құрал жабдықтарын өндіру, халықаралық теңіз кеме қатынасы (Каспий теңізі бойынша), әскери-өндірістік саладағы бірлескен транспорттық-логистикалық компанияларды құру сияқты мәселелерді де қарастыру көзделуде.
Аталмыш сапар Қазақстан-Изербайжан серіктестігіне және екіжақты қатынастардың барлық салаларына жаңа серпін береді деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.