Қазақстан президенті Достастық елдерінің мемлекет басшыларына деген сенім рейтингінде алда келеді - ҚР СІМ
Қазақстан президенті Достастық елдерінің мемлекет басшыларына деген сенім рейтингінде алда келеді - ҚР СІМ
Астана. 22 желтоқсан. "Қазақстан Бүгін" - Қазақстан президенті Нұрсұлтан Назарбаев Тәуелсіз МемлекеттерДостастығы елдерінің мемлекет басшыларына деген сенім рейтингінде алда келеді, деп хабарлайды агенттік тілшісі ҚР СІМ-нің Бүкілресейлік қоғамдық пікірді зерттеу (ВЦИОМ) орталығы Изербайжан, Армения, Беларусь пен Украинада жүргізген сауалнамасының мәліметтерін келтірген хабарламасына сілтеме жасап.
"Сенім рейтингіндегі" жетекші орын үшін күрес Украина, Қазақстан және Беларусь елдерінің президенттері арасында өрбіді. Изербайжан, Армения, Беларусь пен Украина тұрғындарының ТМД елдерінің жетекшілеріне көрсететін сенім деңгейін бағалауда Қазақстан президенті Н. Назарбаев көш басында келеді. ТМД аясындағы аталған зерттеуге қамтылған кеңістіктің әрбір төртінші тұрғыны (24%) оған деген өз сенімдерін білдірді", -деп хабарлайды баспасөз қызметі.
ҚР СІМ-нің хабарламасына сәйкес, сауалнама қорытындысы бойынша екінші орынды Беларусь президенті Александр Лукашенко иемденіп, оған сауалнамаға қатысқандардың 22% сенім білдірген. Ал Виктор Ющенко 13%-бен үштіктің соңында келеді.
Сонымен бірге, Н.Назарбаев ресейліктердің ТМД елдерінің лидерлеріне деген сенімінің рейтингінде де алда келеді. Қазақстан президенті Нұрсұлтан Назарбаев ресейліктердің 35% -ның сеніміне ие болса, А.Лукашенко 44% сенімге ие болған.
Сонымен бірге, "ресейліктердің 51% тұрақты әрі табысты дамып келе жатқан ел ретінде Беларусьті, 40% - Қазақстанды атаған".
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.