Қазақстан президенті "Эйр Франс" компаниясы ұшағының апатқа ұшырауына байланысты Николя Саркозиге және бүкіл француз халқына көңіл айтты
Қазақстан президенті "Эйр Франс" компаниясы ұшағының апатқа ұшырауына байланысты Николя Саркозиге және бүкіл француз халқына көңіл айтты
Астана. 11 маусым. "Қазақстан Бүгін" - Француз жағының бастамасы бойынша Қазақстан президенті Нұрсұлтан Назарбаев пен Франция президенті Николя Саркози телефон арқылы сөйлесті, деп хабарлайды "Қазақстан Бүгін" агенттігі президенттің баспасөз қызметіне сілтеме жасап.
Баспасөз қызметінің ақпаратына сәйкес, Нұрсұлтан Назарбаев адамдардың қазасына әкелген "Эйр Франс" компаниясы ұшағының апатқа ұшырауына байланысты Николя Саркозиге және бүкіл француз халқына көңіл айтты.
Мемлекет басшылары алдағы күзге межеленіп отырған Франция президенті Николя Саркозидің Қазақстанға ресми сапарының маңызына ерекше тоқталып өтті.
Мемлекет басшылары қазақ-француз ынтымақтастығының перспективасын талқылады. Бес жылда өзара сауда-саттық көлемі 10 есеге өсіп, 2008 жылы 6,2 млрд долларды құрағаны атап өтілді.
Францияның Қазақстан экономикасына жұмсаған жалпы инвестициясының көлемі 5,1 млрд долларды, соның ішінде тікелей инвестициялар 4,3млрд долларды құрайды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.