Қазақстан президенті Франция Республикасы президентінің Бүкіләлемдік экологиялық ұйым құру жөніндегі бастамасын қолдайды
Қазақстан президенті Франция Республикасы президентінің Бүкіләлемдік экологиялық ұйым құру жөніндегі бастамасын қолдайды
Астана. 6 қазан. Kazakhstan Today - Қазақстан президенті Нұрсұлтан Назарбаев Франция Республикасының президенті Николя Саркозидің Бүкіләлемдік экологиялық ұйым құру жөніндегі бастамасын қолдайды. Бұл туралы Қазақстан президенті бүгін Франция Республикасының президентінің қатысуымен өткен Қазақстан -Франция бизнес-форумы барысында мәлімдеді, деп хабарлайды Kazakhstan Today.
"Мен сіздің Бүкіләлемдік экологиялық ұйым құру жөніндегі бастамаңызды қолдаймын", - деді Н. Назарбаев Н. Саркозиге қарата айтқан сөзінде.
"Бізді әсіресе сіздің дамыған және дамушы елдердің арасында технолгияларды берудің тиімді тетігін жасау жөніндегі ұсынысыңыз қызықтырды", - деді ол.
Сондай-ақ, Қазақстан президенті "бұл бағытта Франциямен белсенді ынтымақтастық орнайтынына сенім білдірді".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.