Қазақстан президенті мен АҚШ конгрессінің мүшелері екі ел арасындағы ынтымақтастық мәселелерін талқылады
ВАШИНГТОН. 28-қыркүйек. Kazakhstan Today. Қазақстан президенті Нұрсұлтан Назарбаев пен АҚШ конгрессінің мүшелері кеше кешке қонақтарға арналған "Блэр Хауз" резиденциясының "Джексон Плэйс" залында екі ел арасындағы ынтымақтастық мәселелерін талқылады, деп хабарлайды Kazakhstan Today агентігінің арнаулы тілшісі.
Қонақасы аяқталғаннан кейін резиденция алдындағы алаңға шыққан конгресс мүшелері баспасөзге арнап мәлімдеме жасады. Конгресмендердің арасында Канзас штатынан Сэм Браунбек, Нью-Джерси штатынан Джин Сакстон, Луизиана штатынан Мэри Ландрье, Калифорния штатынан Дэррилл Айсса, Юта штатынан Крис Кэннон, Алабама штатынан Роберт Адерхолт болды.
АҚШ конгрессінің мүшелері өз сөздерінде Қазақстанның тәуелсіздік жылдарында түрлі салаларда қол жеткізген таңғажайып табыстарын атап өтті. Олар сондай-ақ екі ел арасындағы ынтымақтастықтың тиімді болатынына сенім білдірді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.