АСТАНА. 16-сәуір. Kazakhstan Today. Қазақстан президенті Нұрсұлтан Назарбаев пен Литва сыртқы істер министрі Петрас Вайтекунас екі жақты ынтымақтастықтың келешегін талқылады, деп хабарлайды Kazakhstan Today тілшісі.
"Біз президент екеуіміз Литва мен Қазақстанның саяси, экономикалық және мәдени салалардағы екі жақты ынтымақтастығының келешегін талқыладық", деді Петрас Вайтекунас президентпен кездесуден кейін өткізілген брифингте. "Атап айтсақ, инвестициялар, энергетика, қуат көздерін шығаратын жолдарды әртараптандыру және энергетикалық қауіпсіздікке қол жеткізу жайын талқылап, көлік және егін шаруашылығы салаларындағы ынтымақтастыққа қатысты кең көлемді мәселелерді қарастырдық",- деді ол.
Литваның екі ел арасындағы байланыстарды нығайтуға деген қызығушылығын атап өткен елші "Қазақстанның экономикалық қуатына, экономика мен қоғамдық өмірдегі реформаларға қарай жетекші ел екенін" атап өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан президенті мен Литва сыртқы істер министрі екі жақты ынтымақтастықтың келешегін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.