АСТАНА. 22-қыркүйек. Kazakhstan Today. Қазақстан президенті Нұрсұлтан Назарбаев Оңтүстік Кореяға 2007-жылы келу жөніндегі шақыруды қабыл алды. Бұл туралы елімізге ресми сапармен келген Оңтүстік Корея үкімет басшысы Хан Мен Сук бүгін Елбасымен кездесуден кейін өткізілген брифингте құлағдар етті, деп хабарлайды Kazakhstan Today тілшісі.
"Корея президенті Нұрсұлтан Назарбаевты келесі жылы елімізге келуге шақырды. Қазақстан мемлекет басшысы бұл шақыруды ризашылықпен қабыл алды",- деді үкімет басшысы.
"Бұл сапар екі ел арасындағы ынтымақтастыққа тың серпін бермек",- деді Корея үкімет басшысы.
Хан Мен Сук сондай-ақ Нұрсұлтан Назарбаевпен кездесуде екі ел арасындағы қарым-қатынасты "тек энергетика және минералды ресурстар саласында ғана емес, сонымен бірге, басқа салаларда да дамытуға" уағдаластық жасалғанын жеткізді. "Сол арқылы біз өзара қарым-қатынасты жоғары деңгейге көтереміз",- деді ол.
Бұдан бұрын да хабарлағанымыздай, Оңтүстік Корея үкімет басшысы Хан Мен Суктың Қазақстанға сапары аясында бизнес-форум өтеді, онда Оңтүстік Кореяның телекоммуникациялық технологиялар саласындағы жаңаша мүмкіндіктерінің тұсаукесері жасалады. "Форумның басты мақсаты - Корея Республикасының ІТ саласындағы саясатының тұсаукесерін өткізіп, Кореядағы ақпараттық технологиялардың даму деңгейін деңгейіне қатысты ақпаратпен таныстыру. Сонымен бірге форумды өткізу арқылы екі елдің кәсіпкерлері арасындағы іскерлік байланыстарды одан әрі нығайту мен бірлескен инвестициялық жобаларды жүзеге асыру мүмкіндіктері қарастырылмақ".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан президенті Оңтүстік Кореяға 2007-жылы келу жөніндегі шақыруды қабыл алды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.