Қазақстан президенті осы аптада Түркияға ресми сапармен барады
Қазақстан президенті осы аптада Түркияға ресми сапармен барады
Астана. 19 қазан. Kazakhstan Today - Қазақстан президенті Нұрсұлтан Назарбаев қазанның 21 мен 24 аралығында Түркияға ресми сапармен барады, деп хабарлайды Kazakhstan Today ҚР СІМ хабарламасына сілтеме жасап.
"Сапар аясында саяси, сауда-экономикалық және ғылыми-технологиялық салалардағы бірқатар екі жақты құжаттарға қол қойылып, екі елдің іскерлік өкілдерінің қатысуымен қазақ-түрік бизнес-форумын өткізу жоспарлануда", -деп хабарлайды баспасөз қызметі.
Сапар барысында Нұрсұлтан Назарбаев Түркия Республикасының президенті Абдулла Гюльмен, ел премьер-министрі Реджеп Тайип Эрдоганмен, Түркия парламентінің төрағасы Мехмет Али Шахинмен, сондай-ақ, Түркияның негізгі саяси партиялары мен қоғамдық ұйымдарының жетекшілерімен кездеседі деп күтілуде. "Сапар барысында мемлекет басшысы Анкарада орын тепкен ТҮРІКСОЙ бас пәтерінде болмақ. Сондай-ақ, Нұрсұлтан Назарбаев Түркияның тоғызыншы президенті С. Демирелмен кездеседі деп күтілуде", - делінген ҚР СІМ хабарламасында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.