Қазақстан президенті ШЫҰ жұмысына бақылаушы-мемлекеттердің іс жүзінде қатысуын қамтамасыз ету мен заңсыз көші-қон проблемасын шешудің маңызын атап өтті
Қазақстан президенті ШЫҰ жұмысына бақылаушы-мемлекеттердің іс жүзінде қатысуын қамтамасыз ету мен заңсыз көші-қон проблемасын шешудің маңызын атап өтті
Астана. 16 маусым. "Қазақстан Бүгін" - Мемлекет басшысы Нұрсұлтан Назарбаев кеше Шанхай ынтымақтастық ұйымының екі күндік саммитіне қатысу үшін Ресейдің Екатеринбург қаласына келді, деп хабарлайды "Қазақстан Бүгін" агенттігі президенттің баспасөз қызметіне сілтеме жасап.
Кеше осылайша ШЫҰ-ға мүше елдердің мемлекет басшылары кеңесінің шағын құрамдағы отырысы болып өтті. Қазақстан, Қытай, Қырғызстан, Тәжікстан, Ресей және Өзбекстан көшбасшылары Шанхай ынтымақтастық ұйымына қатысушы елдердің қауіпсіздікті қамтамасыз ету, халықаралық лаңкестікке қарсы әрекет ету, сауда-экономикалық ынтымақтастықты дамыту мен нығайту салаларындағы өзара іс-қимылының өзекті мәселелерін талқылады.
Отырыста сөйлеген сөзінде Нұрсұлтан Назарбаев әріптестерінің назарын өңірлік қауіпсіздік мәселелеріне аударды. Оның пікірінше, ШЫҰ Ауғанстандағы жағдайды тұрақтандыру үдерісіне белсенді қатысуға тиіс, өйткені, бүкіл өңірдегі бейбітшілік пен тұрақтылық осы елдегі ахуалға байланысты болып отыр.
Қазақстан президенті сондай-ақ ШЫҰ жұмысына бақылаушы-мемлекеттердің іс жүзінде қатысуын қамтамасыз ету мен заңсыз көші-қон проблемасын шешудің маңызын атап өтті.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.