Қазақстан президенті Словакияны маңызды әрі келешегі зор әріптес деп атады
Қазақстан президенті Словакияны маңызды әрі келешегі зор әріптес деп атады
Астана. 30 наурыз. Kazakhstan Today - Қазақстан президенті Словакияны маңызды әрі келешегі зор әріптес атайды. Бұл туралы Елбасы Нұрсұлтан Назарбаев бүгін Ақордада Словакия президенті Иван Гашпаровичпен кездесуде мәлім етті, деп хабарлайды Kazakhstan Today.
"Шағын құрамдағы келіссөздерде біз екі ел ынтымақтастығының ауқымды әлеуеті бар екендігі туралы жалпы пікірге тоқталдық. Қазақстан Словакияны Еуропалық одақтағы маңызды әрі келешегі зор әріптес ретінде қарастырып отыр", деп атап өтті Елбасы.
Мемлект басшысы 2007 жылы Словакияға жасаған ресми сапары кезінде қол жеткізілген келісімдер екі ел экономикасы мен саясаты арасындағы қарым-қатынасты тереңдету тұрғысында елеулі жағдай туғызғанын атап өтті.
"Біздің қарым-қатынасымыздың дамуына жақсы қарқын бере алдық. Сондай-ақ екі ел арасындағы үкіметаралық комиссия белсенді түрде жұмыс істеуде", деді президент.
Бүгінде Қазақстанда словакиямен бірлескен 17 компания жұмыс істейді. "Дағдарысқа қарамастан екі ел арасындағы сауда көлемі өткен жылы 10 пайызға артып, 1,2 млрд АҚШ долларын құрады. Жалпы, 2003-2009 жылдары өзара сауда көлемі 10 пайызға өскен. Бұл - жақсы көрсеткіш", деді Н. Назарбаев.
Елбасы Словакия президентінің бұл сапары екі ел ынтымақтастығындағы әлеуетті арттыруға оң серпін беретініне сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.