Қазақстан президенті Вашингтонда өтетін Ядролық қауіпсіздік жөніндегі ғаламдық саммитке қатысады
Қазақстан президенті Вашингтонда өтетін Ядролық қауіпсіздік жөніндегі ғаламдық саммитке қатысады
Астана. 9 сәуір. Kazakhstan Today - Елбасы Нұрсұлтан Назарбаев Вашингтонда өтетін Ядролық қауіпсіздік жөніндегі ғаламдық саммитке қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
"Мемлекет басшысы 11-14 сәуірде Вашингтонда өтетін Ядролық қауіпсіздік жөніндегі ғаламдық саммитке қатысады және АҚШ президенті Барак Обамамен келіссөздер жүргізеді. Сондай-ақ, Елбасы ғаламдық саммитке қатысатын бірқатар елдердің басшыларымен жүздеседі",- деді Асқар Ибдірахманов.
Бұдан бұрын да хабарлағанымыздай, Вашингтонда өтетін Ядролық қауіпсіздік жөніндегі ғаламдық саммит шеңберінде Нұрсұлтан Назарбаевтың Түркия премьер-министрі Реджеп Ердоғанмен кездесуі жоспарланған.
Мемлекет басшысы Нұрсұлтан Назарбаев жұмыс сапарымен Бельгия Корольдігінің астанасы - Брюссель қаласына жүріп кетті.
Президенттің жұмыс сапарының бағдарламасында 10-сәуірде Еуропалық инвестициялық банктің президенті Филипп Майштадпен кездесу көзделген. Бұдан кейін Еуропалық кеңестің бірінші президенті Херман ван Ромпеймен жұмыс бабындағы жүздесу өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.