Қазақстан президентін Сириядағылар сапармен келеді деп күтуде
Қазақстан президентін Сириядағылар сапармен келеді деп күтуде. Бұл туралы бүгін Сирия Араб Республикасының сыртқы істер министрі Уалид аль-Муаллим ҚР СІМ Марат Тәжинмен кездесуден кейін өткен брифингте хабарлады.
Астана. 17 қыркүйек. "Қазақстан Бүгін" - Қазақстан президенті Нұрсұлтан Назарбаевты Сириядағылар сапармен келеді деп күтуде. Бұл туралы бүгін Сирия Араб Республикасының сыртқы істер министрі Уалид аль-Муаллим ҚР СІМ Марат Тәжинмен кездесуден кейін өткен брифингте хабарлады.
"Менің сапарымның басты мақсаты - Қазақстан президентінің алдағы Сирия сапарына дайындыққа саяды", -деді Уалид аль-Муаллим. "Атап айтсақ, қазақстандық министрмен келіссөздер барысында біз екі жақты қарым-қатынастың нормативтік-құқықтық базасын жетілдіру қажеттігін атап өтіп, сауда- экономикалық және мәдени-гуманитарлық ынтымақтастық жөніндегі келісімдердің жобасын дайындау жайын талқыладық", - деді ол.
ҚР СІМ-нің мәліметінше, Қазақстан мен Сирия арасындағы тауар айналымы 2006 жылы 16,8 млн долларды, соның ішінде экспорт - $16 млн, импорт - $800 мың құрады. 2007 жылдың қаңтар-мамыр айларында тауар айналымы 15,5 млн долларды құрады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.