АСТАНА. 13-қазан. Kazakhstan Today. Қазақстан президентінің Қытайға сапары аясында бірқатар маңызды құжаттарға қол қойылады. Бұл туралы ҚР СІМ Қасымжомарт Тоқаев елімізде жұмыс сапарымен жүрген Бүкілқытай халық өкілдері жиналысының сыртқы байланыстар жөніндегі комитетінің төрағасы Цзян Эньчжумен кездесуде мәлімдеді, деп хабарлайды Kazakhstan Today тілшісі.
"Бұлар екі елдің стратегиялық әріптестігін дәлелдейтін аса маңызды құжаттар",- деді министр.
Қ.Тоқаевтың айтуынша, сапар барысында халықаралық ынтымақтастық декларациясына және Қазақстан-қытай шекаралық режиміне қатысты құжатқа қол қойылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан президентінің Қытайға сапары аясында бірқатар маңызды құжаттарға қол қойылады - Тоқаев
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.