Қазақстан, Ресей мен Беларусь Есеп палаталары тамыз айында Кедендік одақтың жұмысына талдау жасайды
Қазақстан, Ресей мен Беларусь Есеп палаталары тамыз айында Кедендік одақтың жұмысына талдау жасайды
Астана. 7 сәуір. Kazakhstan Today - Қазақстан, Ресей мен Беларусь Есеп палаталары 2010 жылдың тамыз айында Кедендік одақтың жұмысына талдау жасай бастайды. Бұл туралы РФ Есеп палатасының төрағасы Сергей Степашин бүгін журналистерге берген сұхбатында мәлім етті, деп хабарлайды Kazakhstan Today.
"Біз тамыз, қыркүйек, қазан және қараша айларында бақылаушы үш есептік органның бірлескен бақылау іс-шараларын өткізіп, Кедендік одақтың қалай жұмыс істеп жатқанына, үш елге ол не беріп отырғанына, біртұтас экономикалық кеңістік құру идеясы қаншалықты жүзеге асқанына талдау жасауды ұйғардық", - деді С. Степашин.
Оның айтуынша, бұл талдаудың нәтижелері Кедендік одақтың мемлекет басшыларына таныстырылады.
С. Степашин Кедендік одақтың оңай құрылып жатпағанын атап өтті. "Қазақстанмен арада екі ел басшыларының жеке қарым-қатынас тұрғысынан алғанда біз ерекше тауқыметті байқап отырған жоқпыз. Ал Беларусь жағымен арада түйткілдер бар",- деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.