Қазақстан Республикасы парламенті сенатының депутаттарының сайлауын өткізуге ағымдағы жылы республикалық бюджетте 135 млн жуық теңге қарастырылған
Қазақстан Республикасы парламенті сенатының депутаттарының сайлауын өткізуге ағымдағы жылы республикалық бюджетте 135 млн жуық теңге қарастырылған
Астана. 1 тамыз. "Қазақстан Бүгін" - Қазақстан Республикасы парламенті сенатының депутаттарының сайлауын өткізуге ағымдағы жылы республикалық бюджетте 135 млн жуық теңге қарастырылған, деп хабарлайды агенттік тілшісі Орталық сайлау комиссиясының баспасөз қызметіне сілтеме жасап.
"Қазақстан Республикасы парламенті сенатының депутаттарының сайлауын өткізуге 2008 жылы "Мемлекеттік бюджет туралы" заңда 134 млн 963 мың теңге қарастырылған", -делінген ОСК таратқан баспасөз баянында.
Орталық сайлау комиссиясының төрағасы Қуандық Тұрғанқұловтың брифингте берген түсініктемесіне сәйкес, "сайлау заңнамасына сәйкес, парламент сенатының депутаттығынан үміткерге сайлау алдындағы үгіт-насихатты жүргізу мен көлік шығындарына республикалық бюджеттен қаржы бөлінеді".
Сонымен бірге, "әрбір үміткер жалпы қаржы көлемі 8 млн 417 мың 500 теңгені құрайтын сайлау қорын құра алады". "Үміткерлер үшін сайлау жарнамасы 180 мың 375 теңгені құрайды", - деді Қ.Тұрғанқұлов.
"Сайлау науқанын қаржыландыруға қатысты мәселелер бойынша Қаржы министрлігі мен қазынашылық мекеменің шұғыл әрекет етуі қажет", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.