Қазақстан Республикасының Сыртқы істер министрі ЕҚЫҰ-ның Азшыл ұлттар ісі жөніндегі жоғарғы комиссарымен кездесті
Қазақстан Республикасының Сыртқы істер министрі ЕҚЫҰ-ның Азшыл ұлттар ісі жөніндегі жоғарғы комиссарымен кездесті.
Астана. 10 қазан. "Қазақстан Бүгін" - Қазақстан Республикасының Сыртқы істер министрі Марат Тәжин кеше ЕҚЫҰ-ның Азшыл ұлттар ісі жөніндегі жоғарғы комиссары Кнут Воллебекпен кездесті. Еуропадағы қауіпсіздік және ынтымақтастық жөніндегі ұйымның жоғары лауазымды өкілі біздің елімізге сапармен келген болатын, деп хабарлайды СІМ-нің баспасөз қызметі.
Кездесу кезінде Қазақстанның ЕҚЫҰ Жоғарғы комиссарының кеңсесімен ынтымақтастығының келешек бағыттары талқыланды. К.Воллебек Қазақстан мен ЕҚЫҰ институттары арасындағы этностық азшылықтың құқықтарын орнықтыру және ұлтаралық қатынастарды үйлестіру саласындағы ынтымақтастықтың үлгілі тәжірибесін атап көрсетті.
ЕҚЫҰ-ның жоғарғы комиссары қазақстандық тараппен ұйым жобалары бойынша өзара белсенді ықпалдастықты жалғастыру ниетін қуаттап, этносаралық және конфессияаралық қатынастар саласындағы ұлттық міндеттерді іске асыруға жәрдем көрсетуге әзірлігін білдірді.
К.Воллебек бұл лауазымға үстіміздегі жылдың 4 шілдесінде үш жыл мерзімге тағайындалған болатын. Жоғарғы комиссардың қызметіне ЕҚЫҰ-ның барлық өңірлеріндегі аз ұлттардың жағдайын қадағалау кіреді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.