АСТАНА. 20-желтоқсан. Kazakhstan Today. Қазақстан Сауд Арабиясының Парсы шығанағындағы Даммам айлағына бидай жеткізуге дайын. Бұл туралы Сауд Арабиясының Шығыс провинциясының губернаторы Мухаммед бен Фахд Абдель Азизбен кездесуінде Корольдіктегі Қазақстан елшісі Қайрат Лама Шариф хабарлады.
Екі жақтың пікірінше осындай сауда-саттық Сауд Арабиясы үшін өте тиімді болмақ, себебі ол көптеген араб елдерінің сұранысын қанағаттандырады.
Сауд Арабиялық губернатор өз кезегінде Шығыс провинциясы мен Қазақстан бойынша жоғары сапалы астық өсіретін аймақтардың бірі болып табылатын Ақмола облысының арасында тура байланыс орнату ниетін жеткізді.
ҚР сыртқы істер министрлігінің баспасөз қызметінің ақпараттарына сүйенсек, келіссөз барысында 2007 жылдың қаңтарында Ақмола облысы өкілдерінің Даммам айлағына сапарын ұйымдастыру туралы уағдаластық жасалды.
Бұрын хабарлағанымыздай, Қазақстанда 2006-2007 жылдары жалпы 18 млн. тонна астық жиналса, экспорт 7-8 млн. тоннаны құрауы мүмкін.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Сауд Арабияның Даммам айлағына астық жеткізуге дайын
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.