Қазақстан ШЫҰ-ның су және азық-түлік комитеттерін құру туралы бастама көтерді
Қазақстан Шанхай ынтымақтастығы ұйымының азық-түлік және су комитеттерін құруды ұсынады, деп мәлім етті еліміздің ауыл шаруашылығы вице-министрі Марат Толыбаев Ұйымға қатысушы мемлекеттердің ауыл шаруашылығы министрлерінің екінші кеңесінде.
Астана. 30-қараша. Kazakhstan Today - Қазақстан ШЫҰ-ның су және азық-түлік комитеттерін құру туралы бастама көтерді, деп хабарлайды Kazakhstan Today агенттігінің тілшісі.
Қазақстан Шанхай ынтымақтастығы ұйымының азық-түлік және су комитеттерін құруды ұсынады, деп мәлім етті еліміздің ауыл шаруашылығы вице-министрі Марат Толыбаев Ұйымға қатысушы мемлекеттердің ауыл шаруашылығы министрлерінің екінші кеңесінде.
"2011 жылдың 15 маусымында Астанада өткен ШЫҰ Мемлекет басшылары кеңесінің отырысында Қазақстан Президенті Н.И.Назарбаев Ұйымға мүше мемлекеттердің су және азық-түлік комитеттерін құру туралы ұсыныс айтқан болатын. Тиісті құжаттардың жобалары әзірленіп, тараптардың қарауына жолданды. Қазақстанның ұсынысын қолдауларыңызды сұраймыз", - деді М.Толыбаев өз сөзінде.
Бұл ұсыныстың маңызы сол, аталған комитеттер бүгінгі күннің ең өзекті мәселелері болып табылатын азық түлік қауіпсіздігі мен су қауіпсіздігі мәселелерімен айналысатын орын болады.
"Қазіргі заманда ауыл шаруашылығында су мәселесінің маңызы артып отыр. Шанхай ынтымақтастығы ұйымына қатысушы елдердің барлығы дерлік трансшекаралық өзендерге ие, сондықтан да бұл өзекті мәселе болып табылады", - деп түсіндірді вице-министр.
Оған қоса, М.Толыбаевтың пікірінше, бұл комитеттердің құрылуы ШЫҰ елдерімен арадағы өзара іс-қимылдарды жеделдетуге қолдау болады.
Естеріңізге сала кетейік, бүгін Астанада Шанхай ынтымақтастығы ұйымына қатысушы елдердің ауыл шаруашылығы министрлерінің екінші кеңесі өтті.
Кеңеске қатысушылар мал шаруашылығы, ветеринария, тұқым шаруашылығы, карантин және егін шаруашылығын қорғау, тағы басқа салалардағы ынтымақтастықты әрі қарай дамыту мәселелерін талқылады.
Жиынның қорытындысы бойынша ШЫҰ елдері үкіметтерінің ауыл шаруашылығы саласындағы келісімін іске асыру жөніндегі 2013-2014 жылдарға арналған іс-шаралардың жоспары бекітілмек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.