Қазақстан Солтүстік Атлантикалық Альянстың Грузия аумағындағы оқу-жаттығуларына қатысудан бас тартты - Қазақстанның Ресейдегі елшісі
Қазақстан Солтүстік Атлантикалық Альянстың Грузия аумағындағы оқу-жаттығуларына қатысудан бас тартты - Қазақстанның Ресейдегі елшісі
Алматы. 24 сәуір. "Қазақстан Бүгін" - Қазақстан Солтүстік Атлантикалық Альянстың Грузия аумағында мамыр айында өткізуді жоспарлаған оқу-жаттығуларына қатысудан бас тартты. Бұл туралы Қазақстан Республикасының Ресей Федерациясындағы төтенше және өкілетті елшісі Иділбек Жақсыбеков Мәскеуде "Қазақстан Республикасының "Еуропаға апарар жол" бағдарламасы" атты дөңгелек үстел барысында мәлімдеді, деп хабарлайды "Қазақстан Бүгін" агенттігі "РосБизнесКонсалтинг" (РБК) агенттігіне сілтеме жасап.
"Меніңше, оның Қазақстанға мүлдем қажеті жоқ. Біз оған қатысудан бірден бас тарттық, өйткені, Қазақстан - ҰҚШҰ мүшесі", - деді дипломат. Ол Альянспен ынтымақтастыққа дайын екеніне қарамастан, Қазақстанның Солтүстік Атлантикалық Альянстың шараларына қатысып көрмегенін атап өтті.
Елші сонымен бірге Қазақстан Ауғанстан Республикасының аумағы арқылы әскери жүктердің транзиті мәселесі бойынша АҚШ-пен және Солтүстік Атлантикалық Альянспен ынтымақтасуды жоспарлап отырмағанын хабарлады. "Искери транзит бойынша ынтымақтастық мәселесіне келсек, ондай жоспарымыз жоқ",- деді ол.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.