9-қазан. Астана. Kazakhstan Today. Қазақстан Солтүстік Кореяның ядролық сынақ жүргізгенін айыптайды және бұл қадамды қателік деп санайды. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Ядролық полигонды жапқан мемлекет ретінде және Ядролық қаруды таратпау туралы жалпыға ортақ келісім-шарттың, Ядролық сынақтарға жаппай тыйым салу туралы шарттың және Орталық Азияда ядролық қарудан еркін аймақ құру туралы шарттың қатысушысы болып табылатын Қазақстан Республикасы, Корея Халық Демократиялық Республикасының ядролық қарудың сынағын өткізу туралы шешімін қателік деп санайды. Сонымен қатар ағымдағы жылы қазанның 9-ында жүзеге асырылған бұл шараны айыптайды",- деп мәлімдеді Е.Ашықбаев.
"Біз аталмыш қадам ядролық қаруды таратпау саласындағы ауқымды дағдарысты шиеленістіретініне және жаҺандық қауіпсіздікке елеулі нұқсан келтіретініне кәміл сенеміз".
"Қазақстан Республикасы Солтүстік Кореяны Қытай, Ресей, АҚШ, Оңтүстік Корея және Жапонияның қатысуымен ядролық мәселе жөніндегі алты жақты форматтағы келіссөздерді қайта жандандыруға және ядролық амбициясынан бас тартуға шақырады" делінген мәлімдемеде.
Батыс БАҚ-тарының ақпаратына сәйкес, дүйсенбі күні Солтүстік Корея уақытымен 10 сағат 36 минутта (Астананың 7 сағат 36 минуты) осы елдің солтүстік-шығыс бөлігінде орналасқан Кильчжу (Kilju) қаласының маңында Хвадэри (Hwadaeri) ауданында 550 тонна үшнитротолуол жарылысына парапар ядролық жарылыс жасалды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Солтүстік Кореяның ядролық сынақ жүргізгенін айыптайды - ҚР СІМ (толықтырылған нұсқа)
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.