Қазақстан үкімет басшысы мен Иран вице - президенті екі жақты сауда - экономикалық және мәдени - гуманитарлық ынтымақтастықты дамыту мәселелерін талқылады
Қазақстан үкімет басшысы мен Иран вице - президенті екі жақты сауда - экономикалық және мәдени - гуманитарлық ынтымақтастықты дамыту мәселелерін талқылады
Астана. 7 қазан. Kazakhstan Today - Қазақстан Республикасының премьер-министрі Кәрім Мәсімов кеше Бүкіләлемдік Туризм ұйымының 18-ші Бас Ассамблеясының жұмысына қатысу үшін Астанаға келген Иран Ислам Республикасының вице - президенті Хамид Бакоимен кездесті, деп хабарлайды Kazakhstan Today үкіметтің баспасөз қызметіне сілтеме жасап.
Кездесуде екі жақты сауда - экономикалық және мәдени - гуманитарлық ынтымақтастықты дамыту мәселелері талқыланды.
Атап айтқанда, қаржы саласындағы өзара іс - қимылды кеңейтудің мүмкіндіктері, сондай - ақ, көлік және туризм салаларындағы қарым - қатынастарды дамыту жайы қаралды.
Кездесу соңында тараптар Қазақстан мен Иран арасындағы байланыстардың әрі қарай нығая түсетініне сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.