Қазақстан үкіметі жер қойнауын пайдалану және геология салаларындағы саясатты қайта қарастырмақ
"Қазір үкіметте жер қойнауын пайдалану және геология салаларындағы саясат қайта қарастырылуда.
Алматы. 27 шілде. Kazakhstan Today - Қазақстан үкіметі жер қойнауын пайдалану және геология салаларындағы саясатты қайта қарастырмақ, деп мәлімдеді ҚР премьер-министрінің орынбасары, индустрия және жаңа технологиялар министрі Исет Исекешев, деп хабарлайды Kazakhstan Today агенттігінің тілшісі.
"Қазір үкіметте жер қойнауын пайдалану және геология салаларындағы саясат қайта қарастырылуда. Біз оны минералдық-шикізаттық база жағдайын тексеру, бекітілген республикалық бағдарламалар мен қол қойылған келісімдердегі жобалардың негізділігі, басымдылығы және тиімділігі тұрғысынан, сондай-ақ, ол жобалардың Үдемелі индустриялық-инновациялық дамудың мемлекеттік бағдарламасының мақсаттары мен міндеттеріне сәйкестігі тұрғысынан тексеруді бастадық", - деді И. Исекешев "Казахстанская правда" газетіне берген сұхбатында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.