Қазақстан ұлтаралық проблемаларды шешуде ЕҚЫҰ төрағасы қызметінде үлкен роль атқара алады - Воллебек
Қазақстан ұлтаралық проблемаларды шешуде ЕҚЫҰ төрағасы қызметінде үлкен роль атқара алады - Воллебек
Астана. 30 маусым. "Қазақстан Бүгін" - Қазақстан ЕҚЫҰ төрағасы ретінде 2010 жылы ұлтаралық проблемаларды шешуде үлкен роль атқара алады. Бұл туралы бүгін ЕҚЫҰ-ның азшыл ұлттар ісі жөніндегі бас комиссары Кнут Воллебек ҚР СІМ Марат Тәжинмен келіссөздер қорытындысы бойынша журналистерге мәлімдеді, деп хабарлайды агенттік тілшісі.
"Батыс пен Шығыстың ортасындағы стратегиялық орналасуының арқасында Қазақстан ЕҚЫҰ төрағасы ретінде аса маңызды роль атқара алады", - деді К.Воллебек. Оның айтуынша, "ЕҚЫҰ кеңістігінде бүгінде ұлттық құрамның әртүрлілігіне, жаһандануға, сондай-ақ, түрлі діндер арасындағы қарым-қатынасқа қатысты қатерлер байқалып отыр".
Оның айтуынша, "Қазақстан үкіметі қазір осы мәселелермен айналысуда, сондай-ақ, бұл жұмыстар ел ұйымға төрағалық еткен кезде де жалғасын табады. Мен осы мәселелер бойынша олармен алдағы уақытта да жұмыс істейтіндігіме сенемін", -деді ЕҚЫҰ бас комиссары.
К.Воллебек мен М.Тәжиннің келіссөздері ЕҚЫҰ Парламенттік ассамбелясының 17-ші жыл сайынғы сессиясы аясында Астанада өтті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.