Қазақстанда 2008 жылы бірқатар ірі халықаралық шаралар өткізіледі-Сыртқы істер министрлігі
Қазақстанда 2008 жылы бірқатар ірі халықаралық шаралар өткізіледі-Сыртқы істер министрлігі
Астана. 29 қаңтар. "Қазақстан Бүгін" - Қазақстанда 2008 жылы бірқатар ірі халықаралық шаралар өткізіледі. Бұл туралы ҚР сыртқы істер министрлігінің коллегиялық отырысында ведомство басшысы Марат Тәжин құлағдар етті, деп хабарлайды агенттік тілшісі.
"Біздің ел басшысының шетелдерге ресми сапарлары және Қазақстанға жоғары мәртебелі қонақтардың келуімен қатар, биылғы жылы елімізде халықаралық деңгейдегі ірі шаралар өткізіледі", - деді М.Тәжин. Соның бірі, Қазақстанда ЕҚЫҰ Парламенттік ассамблеясының 17 сессиясы, Азиядағы өзара ықпалдастық және сенім шаралары, сыртқы істер министрлерінің Кеңесі және "Ортақ әлем: алуан түрлілік арқылы алға басу" форумы мен Азиялық диалог ынтымақтастығының министрлік кездесулері жоспарланған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.