Қазақстанда Кувейт әмірін сапармен келеді деп күтуде
Қазақстанда Кувейт әмірін сапармен келеді деп күтуде
Астана. 31 наурыз. "Қазақстан Бүгін" - Қазақстанда Кувейт әмірі Сабах аль-Ахмад Ас-Сабах сапармен келеді деп күтуде. Биыл болатын осы сапарға дайындық мәселелерін бүгін ҚР СІМ Марат Тәжин мен Кувейт әмірі әкімшілігінің жетекшісі Насер Ас-Сабах талқылады, деп хабарлайды агенттік тілшісі.
Сонымен бірге, келіссөздер барысында саяси, сауда-экономикалық және мәдени-гуманитарлық салалардағы екі жақты ынтымақтастықты дамыту, сондай-ақ, Кувейт жағын Қазақстандағы инвестициялық жобаларға атсалыстыру мәселелері талқыланды.
ҚР СІМ бүгін сондай-ақ, Еуропалық Одақтың арнаулы өкілі Пьер Морельмен кездесті. СІМ-нің ақпаратына сәйкес, сұхбат барысында алдағы 9-11 сәуірде Ашхабадта өтетін "ЕО үштігі - Орталық Азия" кездесуіне дайындық барысы талқыланды. Екі жақты ынтымақтастық, соның ішінде адам құқықтары бойынша диалогтың аясын кеңейту мәселелері сарапқа салынды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.