Қазақстанда ресейлік компаниялар саны өскен
BNews.kz. ақпараттық агенттігінің хабарлауынша, КО құрылғаннан кейін ресейлік компаниялар жаппай Қазақстанда тіркелуде. Бұл туралы Владимир Путинмен кездесу барысында Ресей өнеркәсіпшілер және кәсіпкерлер одағының президенті Александр Шохин мәлім етті, - деп жазады GZT.ru.
Алматы. 22 - сәуір. Kazakhstan Today - Қазақстанда ресейлік компаниялар саны өскен, деп хабарлайды Kazakhstan Today агенттігінің тілшісі.
BNews.kz. ақпараттық агенттігінің хабарлауынша, КО құрылғаннан кейін ресейлік компаниялар жаппай Қазақстанда тіркелуде. Бұл туралы Владимир Путинмен кездесу барысында Ресей өнеркәсіпшілер және кәсіпкерлер одағының президенті Александр Шохин мәлім етті, - деп жазады GZT.ru.
"Ресейдегі іскерлік климат керемет болмай тұр", - деді РӨКО басшысы. А.Шохиннің айтуынша, бұл туралы жетекші ресейлік компаниялардың басшылары сөз қозғап жүр.
Атап айтқанда, ресейлік заңнама сапалық тұрғыдан халықаралық бизнес құқықтан ғана емес, КО кіретін Қазақстаннан да қалып келеді. "Қазақстанда әлеуметтік төлемдер тұрғысынан, сонымен қатар, басқа да бірқатар мәселелер бойынша, атап айтқанда, меншікті қорғау бойынша бизнеске достық қарым-қатынас қалыптасқан", - деді Шохин.
Алайда, ресейлік бюрократия жетекші тәжірибені пайдалануға асықпай отыр. "Өкінішке орай, кейде ведомстволар жағдайды пайдалана отырып, енгізіліп жатқан ұлттық бақылауды одан әрі бюрократиялық етуін көріп жатамыз", - деді РӨКО басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.