Қазақстанда ресейлік үш кәсіпорын ашылмақ
Орал құбыр изоляциясы зауыты шілде айының соңына таман Алматы қаласында жылу изоляциясын өндіретін кәсіпорынды іске қосады. Содан кейін тағы екі зауыт Астанада ашылады.
Алматы. 18 шілде. Kazakhstan Today - Қазақстанда жыл аяғына дейін ресейлік үш кәсіпорын ашылмақ, деп хабарлайды Kazakhstan Today агенттігінің тілшісі.
Орал құбыр изоляциясы зауыты шілде айының соңына таман Алматы қаласында жылу изоляциясын өндіретін кәсіпорынды іске қосады. Содан кейін тағы екі зауыт Астанада ашылады. Бұл туралы "Иннопром-2011" атты халықаралық өнеркәсіп және инновациялар жәрмеңкесінің аясында өткен Орал өңірінің халықаралық және сыртқы экономикалық байланыстары министрі Александр Харловтың Қазақстанның Ресей Федерациясындағы сауда өкілінің кеңесшісі Вячеслав Черновтың кездесуі барысында мәлім болды, деп хабарлайды "Курсив" басылымы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.