Қазақстандық делегация 18 маусымда Кишинев қаласында өтетін ТМД Экономикалық кеңесінің 42-ші отырысына қатысады
Астана. 15 маусым. "Қазақстан Бүгін" - Қазақстандық делегация 18 маусымда Кишинев қаласында өтетін ТМД Экономикалық кеңесінің 42-ші отырысына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды "Қазақстан Бүгін" агенттігі.
"Отырыстың күн тәртібінде ТМД-ға қатысушы мемлекеттердің ұлттық электроэнергетикалық жүйелерін тасымалдайтын мемлекетаралық желілерін пайдалану саласындағы ынтымақтастығы, халықаралық көлік дәліздерін келісе дамыту туралы, ғылыми-техникалық және инновациялық салалық ынтымақтастық органын құру туралы, 2009 жылы ТМД ортақ бюджетіне үлестік жарналар бөлу сынды 14 мәселе қарастырылады",- деді ресми өкіл.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.