Қазақстандық делегация Дүниежүзілік банк пен Халықаралық Валюта Қоры басқарушылар кеңесінің жыл сайынғы мәжілісіне қатысты
Қазақстандық делегация Дүниежүзілік банк пен Халықаралық Валюта Қоры басқарушылар кеңесінің жыл сайынғы мәжілісіне қатысты
Астана. 22 қазан. "Қазақстан Бүгін" - 19-22 қазанда ҚР Ұлттық банкінің төрағасы Инуар Сәйденов басқарған қазақстандық делегация Дүниежүзілік банк пен Халықаралық Валюта Қоры басқарушылар кеңесінің жыл сайынғы мәжілісіне қатысады, деп хабарлайды агенттік ҚР СІМ-іне сілтеме жасап.
Мәжілістің негізгі күн тәртібіне Дүниежүзілік банк тобы қызметінің стратегиялық бағыттарын, жаһандық экономика мен қаржылық рыноктар даму мәселелерін, ХВҚ реформалар бағдарламасының орындалуын талқылау кіреді. ДБ дамуы жөніндегі комитет отырысы орталық іс-шара ретінде қарастырылады.
Қазақстандық делегацияның сапары шеңберінде, Қазақстанның АҚШ-тағы елшілігі Алматы қаласындағы Өңірлік қаржы орталығымен ынтымақтаса отырып Қазақстанның қаржылық секторының тұсаукесер рәсімін және қабылдау шарасын өткізеді. АҚШ-тың қаржылық және экономикалық құрылымдары алдында Алматыны өңірлік қаржылық орталық ретінде дамуының тұжырымдамасы ұсынылатын болады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.