Қазақстандық кәсіпкерлер "Іскерлік байланыстар" жобасы бойынша АҚШ-та тәжірибеден өтеді
Шағын және орта бизнес өкілдерін АҚШ-та тәжірибеден өткізуді қарастыратын "Іскерлік байланыстар" жобасының екінші кезеңіне қатысушылар үшін өтініш қабылдау басталды.
Алматы. 5-маусым. Kazakhstan Today - Қазақстандық кәсіпкерлер "Іскерлік байланыстар" жобасы бойынша АҚШ-та тәжірибеден өтеді, деп хабарлайды Kazakhstan Today агенттігінің тілшісі.
Шағын және орта бизнес өкілдерін АҚШ-та тәжірибеден өткізуді қарастыратын "Іскерлік байланыстар" жобасының екінші кезеңіне қатысушылар үшін өтініш қабылдау басталды.
"Даму" кәсіпкерлікті дамыту қоры" АҚ-ның баспасөз қызметінің хабарламасына қарағанда, 29-желтоқсанда басталған бұл шара 15-қаңтарға дейін созылады. Оған негізінен "Іскерлік байланыстар" жобасының бірінші кезеңіне қатысушылар, сондай-ақ 2011 жылы "Назарбаев Университеті" АҚ-да ұйымдастырылған "Шағын және орта кәсіпкерліктің топ-менеджментіне оқыту" бағдарламасы бойынша тәлім алған үміткерлер қатыса алады. Денсаулық сақтау, ақпараттық-коммуникациялар, көлік-логистика, ауыл шаруашылығы салаларын қамтитын тегін тәжірибеден өту мерзімі 3 аптаны қамтиды. Оның бірінші аптасында қатысушылар салалық тренингтерден өтетін болады. Ал қалған 2 аптада АҚШ компанияларымен жаңа әріптестік қатынастар жасауға мүмкіндіктер ұсынылып, жаңа технологиялар мен қондырғылар иеленуге жағдайлар қарастырылады. Олардың Қазақстаннан АҚШ-қа барып қайтудағы жол шығындары республикалық бюджеттен өтелсе, АҚШ-та болуға қатысты шығындарды қабылдаушы тарап көтеретін болады.
"Іскерлік байланыстар" жобасы 2011 жылдан бері "Бизнестің жол картасы-2020" шеңберінде Экономикалық даму және сауда министрлігі мен "Даму" Кәіпкерлікті қолдау қоры" АҚ-ның қолдауымен жүзеге асуда. Мақсат - іскерлік байланыстарды орнату жолымен қазақстандық кәсіпкерлердің әлеуетін арттыру болып табылады. Онда халықаралық және шетелдік ұйымдардың қолдауымен қазақстандық компаниялар шетелдегі әріпттестерімен ынтамақтастық орнатуға мүмкіндік алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.