Қазақстандық кәсіпорындар Беларуссияның ірі кәсіпорындарына 7,6 млн АҚШ долларының өнімін тасымалдайды
Минскідегі сауда миссиясының қорытындысы бойынша отандық өндірушілер Белоруссияға бірқатар өңделген экспорттық тауарлар жеткізуге келісім-шарт жасасты, деп хабарлайды "Kaznex Invest" Экспорт пен инвестициялар жөніндегі ұлттық агенттігі.
Астана. 6-қараша. Kazakhstan Today - Қазақстандық кәсіпорындар Беларуссияның ірі кәсіпорындарына 7,6 млн АҚШ долларының өнімін тасымалдайды, деп хабарлайды Kazakhstan Today агенттігінің тілшісі.
Минскідегі сауда миссиясының қорытындысы бойынша отандық өндірушілер Белоруссияға бірқатар өңделген экспорттық тауарлар жеткізуге келісім-шарт жасасты, деп хабарлайды "Kaznex Invest" Экспорт пен инвестициялар жөніндегі ұлттық агенттігі.
"ҚР ИЖТМ "Kaznex Invest" Экспорт пен инвестициялар жөніндегі ұлттық агенттігі ұйымдастырған Минскідегі сауда миссиясының қорытындысы бойынша отандық өндірушілер Белоруссияға бірқатар өңделген экспорттық тауарлар жеткізуге келісім-шарт жасасты. Миссия қорытындылары бойынша, алдын ала келісімдердің жалпы сомасы 7,6 млн АҚШ долларын құрайды", делінген агенттіктің хабарламасында.
Минскіде өз тауарларын көрсетуге қатысқан қазақстандық делегацияның құрамында химия, машина жасау, азық-түлік, құрылыс, ауыл шаруашылығы, тері өндірісі саласының өкілдері болды.
Алғашқылардың бірі болып ТМД-да диаметрі 3 м шыныпластика құбырын өндіретін астаналық "Amitech Astana" ЖШС кәсіпорыны келісімге қол қойды.Минскідегі сауда миссиясы кезінде компания "Стройбелпром" және "БелПрагма" компанияларымен 4 млн еуроға шарт жасасты.
Сондай-ақ, "Корона EXPORT" ЖШС Белоруссияға 1 млн АҚШ долларының макарон өнімдерін жеткізуге келісім жасады. Құрғақ құрылыс қоспаларын өндіретін "BIG-ELIT" ЖШС минскілік бірқатар компаниялармен 420 мың доллар көлеміндегі тауар жеткізуге ынтымақтасуды жоспарлап отыр.
Сонымен қатар, республиканың ірі кәсіпорны "Карагандарезинотехника" сапар нәтижесі бойынша "Гомельстекло" ААҚ тиеу таспасын жеткізуге қатысты тендеріне, ал Өскемен конденсат зауыты Минск автокөлік зауытының тендеріне қатысатын болады.
Экспорт және инвестициялар жөніндегі ұлттық агенттіктің хабарлауынша, Минск сапары барысында алматылық "Мұнайаспап" АҚ өнімдері үлкен қызығушылық тудырған. Басшылық Belarusian Oil Company", РУП ПО "Беларусьнефть", "Мозырьский НПЗ" ААҚ, "НАФТАН", "Внешсельхозснаб" АҚБ компанияларымен келіссөздер жүргізді.
Сауда миссиясы нәтижесінде Қазақстаннан Белорусь нарығына "Қуат ЛТД" компаниясы қой жүнін жеткізетін болады.
Сауда миссиясы бизнес-форум форматында өтіп, оған Қазақстан тауарларын сатып алуға қызығушылық таныстқан Белоруссияның елу шақты компаниялар қатысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.