АСТАНА. 12-наурыз. Kazakhstan Today. Қазақстанға Еуроодақтың Орта Азиядағы арнайы өкілі Пьер Морель жұмыс сапарымен келеді. Бұл туралы бүгін өткен брифингте Қазақстан Республикасы сыртқы істер министрлігінің баспасөз хатшысы Ілияс Омаров мәлімдеді, деп хабарлайды Kazakhstan Today агенттігінің тілшісі.
Ілияс Омаровтың айтуынша, жұмыс сапары 12-13-ші наурызға межеленген.
"Ел басшылығымен кездесулер барысында Қазақстан Республикасы мен Еуроодақтың ынтымақтастығының болашағы, Еуропалық одақтың Орта Азия елдеріне қатысты келешек стратегиясының жобасы, сонымен қатар Астанада 28-наурызда өтетін төртінші "ЕО үштігі - Орта Азия елдері" отырысына дайындық мәселелері талқыланады",- деп атап өтті Сыртқы істер министрлігінің баспасөз хатшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанға Еуроодақтың Орта Азиядағы арнайы өкілі жұмыс сапарымен келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.