Қазақстанға Қырғыз Республикасының премьер-министрі Игорь Чудинов ресми сапармен келеді
Қазақстанға Қырғыз Республикасының премьер-министрі Игорь Чудинов ресми сапармен келеді
Астана. 15 маусым. "Қазақстан Бүгін" - Қазақстанға Қырғыз Республикасының премьер-министрі Игорь Чудинов ресми сапармен келеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды "Қазақстан Бүгін" агенттігі.
"16-17 маусымда Қазақстанға Қырғыз Республикасының премьер-министрі Игорь Чудинов ресми сапармен келеді",- деді ресми өкіл.
"Сапар аясында бұған дейінгі жоғары деңгейдегі кездесулердің нәтижесінде құрылған қазақ-қырғыз үкіметаралық кеңесінің бірінші отырысы өтеді деп жоспарлануда. Отырыс барысында сауда-экономикалық, су-энергетикалық, инвестициялық және мәдени-гуманитарлық салалардағы екі жақты ынтымақтастықтың өзекті мәселелері қарастырылады".
Отырыс қорытындысы бойынша өзара тиімді серіктестікті дамыту жолдарын нақтылайтын үкіметаралық келісімдерге және басқа да құжаттарға қол қою жоспарланып отыр.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.