Қазақстанға Үндістан Республикасының сыртқы істер министрі Соманахалли Маллайах Кришна ресми сапармен келеді
Қазақстанға Үндістан Республикасының сыртқы істер министрі Соманахалли Маллайах Кришна ресми сапармен келеді
Астана. 12 мамыр. Kazakhstan Today - 11-13 мамырда ҚР мемлекеттік хатшысы - сыртқы істер министрі Қ.Саудабаевтың шақыруымен Үндістан Республикасының сыртқы істер министрі Соманахалли Маллайах Кришна Астана қаласына ресми сапармен келеді. Бұл туралы кеше Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды Kazakhstan Today.
Сапардың мақсаты - Қазақстан мен Үндістан арасындағы стратегиялық әріптестікті одан әрі дамыту және 2009 жылғы 23-26 қаңтарда Қазақстан Республикасының Президенті Нұрсұлтан Назарбаевтың Үндістан Республикасына мемлекеттік сапары барысында қол жеткізген уағдаластықтарды іске асыру болып табылады.
12 мамырда С.Кришнаның Қазақстан Республикасының мемлекеттік хатшысы - сыртқы істер министрі Қ.Саудабаевпен келіссөздері барысында тараптар Қазақстан мен Үндістан арасындағы саяси, экономикалық және гуманитарлық салалардағы ынтымақтастық мәселелерін талқылайды.
Үндістанның сыртқы саяси ведомствосының басшысы ҚР президенті Нұрсұлтан Назарбаевпен және премьер-министрі Кәрім Мәсімовпен кездеседі деп жоспарлануда.
Сапар барысында Қазақстан-үнді бизнес-форумы өтеді, сондай-ақ бірқатар екі жақты құжаттарға қол қойылады деп жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.