Қазақстанның дағдарыстан кейінгі дамуының стратегиялық жоспары мемлекет басшысына бір айда таныстырылады - Тәжин
Қазақстанның дағдарыстан кейінгі дамуының стратегиялық жоспары мемлекет басшысына бір айда таныстырылады - Тәжин
Астана. 8 желтоқсан. Kazakhstan Today - Қазақстанның дағдарыстан кейінгі дамуының стратегиялық жоспары мемлекет басшысына бір айда таныстырылады. Бұл туралы бүгін Ақордада өткен Қауіпсіздік кеңесінің кезекті отырысынан кейін журналистерге ҚР Қауіпсіздік кеңесінің хатшысы Марат Тәжин мәлім етті, деп хабарлайды Kazakhstan Today.
"2020 жылға дейінгі стратегиялық даму жоспары біршама дәйектелген құжат екенін айта кеткім келеді. Мемлекет басшысы тарапынан берілген бірқатар әдістемелік ескертпелер бар, және соған байланысты оны болымсыз толықтырып, бір айдың ішінде мемлекет басшысының қол қоюына ұсынуға шешім қабылданды", - деді М. Тәжин.
Оның хабарлауынша, сондай-ақ, мемлекет басшысы Қазақстанның дағдарыстан кейінгі дамуының стратегиялық жоспары - "тек экономикалық құжат қана емес екеніне" назар аудады. "Бұл саяси-экономикалық құжат, өйткені ол біздің таяу болашақтағы, алдағы онжылдықтағы айқын бағыт-бағдарымыз", - деді М. Тәжин.
"Бұл құжат жұмылдыру рөлін атқарады", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.