Қазақстанның ДСҰ-ға қосылуы жөніндегі келіссөз үдерісі жалғасуда
Қазақстан делегациясын Экономикалық ықпалдастық мәселелері жөніндегі министр Жанар Айтжанова бастап барған болатын.
Астана. 23-сәуір. Kazakhstan Today - Женева қаласында 18 сәуірде Қазақстанның ДСҰ-на кіруі бойынша Жұмыс тобының 11-ші отырысы өтті, деп хабарлайды Kazakhstan Today агенттігінің тілшісі.
Бұл туралы ҚР Экономикалық ықпалдастық мәселелері жөніндегі министрінің Хатшылығынан хабарлады.
Қазақстан делегациясын Экономикалық ықпалдастық мәселелері жөніндегі министр Жанар Айтжанова бастап барған болатын.
"2011 жылы позитивті тауар балансы 50 млрд. долларды, жалпы тауар айналымы 125 млрд. долларды құрады. Қазақстанның экономикасына тартылған тікелей шетелдік инвестициялардың көлемі 147 млрд. АҚШ долларынан асты" - деп атап өтті еліміздің соңғы жылдар ішіндегі әлеуметтік-экономикалық дамуы туралы баяндама жасаған министр Ж.Айтжанова.
Министр сондай-ақ заңнамалық базаны жетілдіруге, елдегі экономикалық үдерістерді ынталандыруға бағытталған жаңа заңдармен және келісімдермен таныстырып өтті.
"Өз кезегінде, АҚШ, Қытай, Бразилия, ЕО, Сауд Арабиясы, Түркия, Мексика, Пәкістан, Жапония, Швейцария, Үндістан, Аргентина және бірқатар елдердің өкілдері Қазақстанның ДСҰ-ға кіруін қолдайтындарын жеткізді", - делінген Экономикалық ынтымақтастық істері жөніндегі министрі Хатшылығының хабарламасында.
Отырыста 2012 жылдың 1 маусымында Қазақстан ДСҰ хатшылығына талқылау барысында айталған мәселелерді ескере отырып қайта қаралған Баяндаманың жаңа жобасын ұсынатыны туралы айтылды.
Жұмыс тобының кеңейтілген құрамдағы келесі отырысын Женева қаласында шілде айының соңында өткізу жоспарланып отыр. Қазіргі уақытта Қазақстанның сыртқы экономикалық сауда саясатының жүйелі мәселелері және ауыл шаруашылығын қолдау көлемі бойынша көпжақты келіссөздер жүргізілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.