Қазақстанның екінші астық форумы Астанада қарашаның аяғында өтеді
Қазақстанның екінші астық форумы Астанада қарашаның аяғында өтеді.
Астана. 16 қазан. "Қазақстан Бүгін" - Қазақстанның екінші астық форумы Астанада 29-30 қарашада өтеді. Бұл туралы агенттікке "Қазагромаркетинг" АҚ-ынан хабарлады.
Таратылған баспасөз баянында атап көрсетілгеніндей, форум аясында әлемдік нарықтың даму ағымдары, Қазақстан мен ТМД елдерінде астықты терең өңдеу перспективалары, экспорттың ерекшеліктері мен Қазақстан астығының логистикасына қатысты мәселелер талқыланады.
Бұған қоса конференция барысында ірі әлемдік аграрлық биржалардың тұсаукесері өтеді, ал бұл қазіргі таңда биржалық сауда институттарын құру сатысындағы Қазақстан үшін аса өзекті болмақ.
Форумға Қазақстан, ТМД елдері, Еуропа және араб дүниесі елдерінен 300 астам өкіл қатысады деп күтілуде.
Еске сала кетейік, Қазақстанның бірінші астық форумы 2006 жылы өткен. Конференция жалғасқан екі күн ішінде Қазақстан астығын экспорттау жөнінде 1,2 млн теңгеге 70 келісім-шартына қол қойылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.