Қазақстанның ЕҚЫҰ-ына төрағалық жасауы - Еуропа тарапынан берілген жоғары сенім мен жоғары баға - Затлерс
Қазақстанның ЕҚЫҰ-ына төрағалық жасауы - Еуропа тарапынан берілген жоғары сенім мен жоғары баға - Затлерс
Астана. 3 қазан. "Қазақстан Бүгін" - Қазақстанның 2010 жылы ЕҚЫҰ-ына төрағалық жасауы - Еуропа тарапынан берілген жоғары сенім мен жоғары баға болмақ. Бұл туралы бүгін Латвия Республикасының президенті Валдис Затлерс ҚР президентінің жанындағы мемлекеттік басқару академиясының тыңдаушылары алдында сөйлеген сөзінде айтты, деп хабарлайды агенттік тілшісі.
"Қазақстанның 2010 жылы ЕҚЫҰ-ына төрағалық жасаудан алары көп. Бұл Еуропаның Қазақстанға деген сенімі, бұл - аса жоғары баға", -деді В. Затлерс.
"Атлант мұхитынан Қазақстанға дейінгі бүкіл Еуропа аумағы үшін жауапкершілік Қазақстанға жүктелмекші. Бұл - үлкен жауапкершілік. Өйткені, сіздер қазір өзіміз тіпті болжай алмайтын көптеген мәселелер бойынша шешім қабылдайтын боласыздар. Сіздер бұған дайындалуларыңыз, осы процесске жақындай түсулеріңіз керек. Қазақстан оны атқара алатынын дәлелдейтін боласыздар", - деді В. Затлерс.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.