Қазақстанның экономика және бюджетті жоспарлау министрі басқарған делегация Давос форумына қатысуда
Қазақстанның экономика және бюджетті жоспарлау министрі басқарған делегация Давос форумына қатысуда
Алматы. 27 қаңтар. Kazakhstan Today - Қазақстанның экономика және бюджетті жоспарлау министрі басқарған делегация Давос форумына қатысуда, деп хабарлайды Kazakhstan Today.
Бұдан бұрын да хабарлағанымыздай, Швейцарияның Давос қаласында 27 - 31 қаңтар аралығында Дүниежүзілік Экономикалық Форумның жыл сайынғы сессиясы өтеді. Форумға Қазақстан Республикасының экономика және бюджетті жоспарлау министрі Бақыт Сұлтанов бастаған делегация қатысады. Бұл туралы 25 қаңтарда журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті.
Шара аясында қазақстандық делегация мүшелерінің өзара тиімді халықаралық қатынастарды дамыту мәселелері бойынша шетелдік мемлекеттер және халықаралық ұйымдардың өкілдерімен екіжақты кездесулер өткізеді деп жоспарлануда.
Дүниежүзілік Экономикалық Форум - штаб-пәтері Швейцарияның Женева қаласында орналасқан беделді халықаралық үкіметтік емес ұйым. Қалыптасқан дәстүр бойынша оның жыл сайынғы сессиясы қаңтардың аяғында Давос қысқы курортында өтеді және соған байланысты Давос форумы деген бейресми атауға ие.
"Ведомости" газетінің хабарлауынша, 40-шы Давос форумының ұраны - "Ғаламшардың жағдайын жақсарту: қайта ой елегінен өткізу, қайта жоспарлау, әлемді қайта құру". Форумға әлемдік ірі компаниялардың жетекшілері, үкіметтер, халықаралық ұйымдар мен үкіметтік емес ұйымдардың өкілдері, танымал экономист ғалымдар секілді 2500 қатысушы жиналып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.