Қазақстанның қарқынды дамуын экономикалық реформалар қамтамасыз етуде
Бұл тцралы Хорватияның бұрынғы президенті Степан Месич Бірінші Назарбаев оқулары халықаралық форумында сөйлеген сөзінде айтып өтті деп хабарлайды премьер-министрінің баспасөз қызметінен.
Астана. 30-қараша. Kazakhstan Today - Қазақстанның қарқынды дамуын экономикалық реформалар қамтамасыз етуде, деп хабарлайды Kazakhstan Today агенттігінің тілшісі.
Бұл тцралы Хорватияның бұрынғы президенті Степан Месич Бірінші Назарбаев оқулары халықаралық форумында сөйлеген сөзінде айтып өтті деп хабарлайды премьер-министрінің баспасөз қызметінен.
"Мен маңызды қоғамдық, саяси, әлеуметтік және экономикалық реформалардың негізінде жедел дамып отырған елді көріп отырмын. Мен ядролық қатерді азайтуды қолдаушы және жаппай қырып-жоятын қарудың таралуына қарсы әлемдік қозғалыстың көшбасшысы атануға лайық елді көріп отырмын", - деді С.Месич өз сөзінде.
Оның айтуынша, мемлекеттердің, халықтар мен жекелеген тұлғалардың теңдігі мен тең құқықтарына негізделген, әр халықтың өз үкіметін сайлау құқығына, сондай-ақ соғыстың салдарын жоюда барлық ел мен халықтың бірлесіп әрекет ету қағидаларына негізделген жаңа әлем құруға Қазақстан да өз үлесін қоса алады.
Қазақстан сондай-ақ, кедейшілік пен артқа қалушылықты да жоюға үлес қоса алады, деді ол.
Естеріңізге сала кетейік, Астанада "Жаңа әлемдегі жаңа Қазақстан" тақырыбына арналған Назарбаев оқулары халықаралық форумы өтуде.
Форум жұмысына Италия, Ұлыбритания, Ресей, Румыния, Сингапур, АҚШ, Франция және тағы басқа елдердің ғалымдары қатысуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.