ВАШИНГТОН. 28-қыркүйек. Kazakhstan Today. Қазақстанның көшбасшылығы және Құрама Штаттармен ядролық қаруды таратпау саласындағы ынтымақтастығы басқа елдер үшін үлгі болып табылады. Бұл туралы АҚШ когрессінің қарарында айтылған. Кездесуде сөз сөйлеген АҚШ Конгресінің беделді мүшелерінің бірі Том Лантос Нұрсұлтан Назарбаевқа әлемдегі аса ірі екінші ядролық полигонның жабылуының 15-жылдығымен Қазақстанды құттықтаған АҚШ Конгрессі өкілдер палатасының № 905 қарарын тапсырды.
Қарарда "Қазақстанның көшбасшылығы және Құрама Штаттармен ядролық қаруды таратпау саласындағы ынтымақтастығы басқа елдер үшін үлгі болып табылады" деп айрықша атап көрсетілген.
Құжатта атап көрсетілгеніндей, өкілдер палатасы "өзінің ядролық және биологиялық қаруын, сондай-ақ зауыттарын жою арқылы халықты жаппай қырып-жоюға арналған қару-жарақты таратпау ісіне қомақты үлес қосқан Қазақстанның талпыныстарын жоғары бағалайды". "Өкілдер палатасы АҚШ әкімшілігін бұрынғы Кеңес одағы таррапынан Семей өңірінде ядролық сынақтар жүргізу арқылы қоршаған орта мен адамдардың денсаулығына келтірген шығынды анықтауға қолдау көрсету үшін Қазақстан үкіметімен бірлесіп жұмыс тобын құруға шақырады",- делінген қарарда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанның көшбасшылығы және Құрама Штаттармен ядролық қаруды таратпау саласындағы ынтымақтастығы басқа елдер үшін үлгі болып табылады - конгресс қарары
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.