Қазақстанның мемлекеттік органдары мен бейресми ұйымдарының өкілдері Венада өтетін адами өлшем жөніндегі екінші қосымша кеңеске қатысады - СІМ
Астана. 7 шілде. "Қазақстан Бүгін" - Қазақстанның мемлекеттік органдары мен бейресми ұйымдарының өкілдері ЕҚЫҰ басқаруымен Венада өтетін адами өлшем жөніндегі екінші қосымша кеңеске қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды "Қазақстан Бүгін" агенттігі.
"9 - 10 шілдеде Венада ЕҚЫҰ-ның адами өлшем бойынша діни сенім-наным еркіндігі жөніндегі екінші қосымша кеңесі өтеді", - деді Е. Ашықбаев.
Ресми өкілдің айтуынша, кеңеске Қазақстанның мемлекеттік органдары мен бейресми ұйымдарының өкілдері қатысады.
Кеңестің күн тәртібінде үш сессия бойынша жұмыстар жүргізіліп, оларда ЕҚЫҰ өңірінде діни және сенім-наным еркіндігін орындау бойынша міндеттемелер, діни қоғамдастықтар мен діндарлардың деңгейін көтеру тақырыбы қаузалады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.