Қазақстанның парламенттік делегациясы Афины қаласында өтетін ЕҚЫҰ Парламенттік Ассамблеясының күзгі отырысына қатысады
Қазақстанның парламенттік делегациясы Афины қаласында өтетін ЕҚЫҰ Парламенттік Ассамблеясының күзгі отырысына қатысады
Астана. 5 қазан. Kazakhstan Today - Афины қаласында 9-12 қазан аралығында ҚР парламенті сенатының төрағасы, ЕҚЫҰ Парламенттік Ассамблеясының вице-президенті Қасымжомарт Тоқаев бастаған парламенттік делегация ЕҚЫҰ Парламенттік Ассамблеясының күзгі отырысына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today.
"Күзгі отырыс шеңберінде "Аймақтық ынтымақтастық және энергетикалық қауіпсіздік", "Ауа райы және қоршаған орта саласындағы саясат - Копенгагенге сапар", "Адам қауіпсіздігі үшін табиғи қорлардың үйлесімді пайдалануы" атты үш тематикалық сессиядан тұратын "Энергетикалық қауіпсіздік және қоршаған орта" деген тақырыпта парламенттік конференциялары өткізіледі деп күтілуде",- деді ресми өкіл.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.